14 Yesu wakati wanjira mu nyumba ya Petrosi, wakawona nyinavyara+ wa Petrosi wagona pasi chifukwa cha kuthukira muthupi.+ 15 Ntheura wakakhwaska woko lake,+ thupi likaleka kuthukira, ndipo wakawuka na kwamba kumuteŵetera. 16 Kweni kukati kwaŵa mise, ŵanthu ŵakamwizira na ŵanthu ŵanandi ŵakukoleka na viŵanda, ndipo wakafumiska mizimu na mazgu pera. Wakachizga wose awo ŵakaŵa ŵalwari, 17 kuti ghafiskike mazgu agho ntchimi Yesaya yikayowoya, kuti: “Iyo wakatora maulwari ghithu na kuyegha matenda ghithu.”+