21 “Pulikani ichi, imwe ŵanthu vindere na ŵambura mahara.+

14 Ndipo uchimi wa Yesaya ukufiskika pa iwo. Ukuti: ‘Kupulika mupulikenge nadi, kweni kumanya ng’anamuro lake chara. Ndipo kulaŵiska mulaŵiskenge nadi, kweni kuwona chara.+ 15 Pakuti mtima wa ŵanthu aŵa wakulungara, ndipo ŵapulika na makutu ghawo kweni wakuchitapo kanthu chara. Ŵajara maso ghawo na makutu ghawo, kuti ŵaleke kuwona na kupulika. Lekani mitima yawo yikumanya chara ng’anamuro lake na kuwerako kuti ine niŵachizge.’+

9 Kweni ŵasambiri ŵake ŵakamufumba ng’anamuro la ntharika iyi.+ 10 Iyo wakati: “Imwe mwapika mwaŵi wa kupulikiska chisisi chakupatulika* cha Ufumu wa Chiuta, kweni ku ŵanyake wose vili mu ntharika,+ mwakuti nangauli ŵali na maso, ŵaleke kuwona, nangauli ŵali na makutu, ŵaleke kumanya ng’anamuro.+

25 Ntheura, pakuti ŵakapambana maghanoghano, ŵakamba kufumapo, ndipo Paulosi wakayowoya kuti:

“Mzimu utuŵa ukayowoya unenesko kwizira mwa ntchimi Yesaya ku ŵasekuru ŵinu, 26 ukati, ‘Luta ku ŵanthu aŵa na kuyowoya kuti: “Kupulika, mupulikenge kweni kupulikiska chara. Ndipo kulaŵiska, mulaŵiskenge kweni kuwona chara.+ 27 Pakuti mtima wa ŵanthu aŵa wakulungara, ndipo ŵapulika na makutu ghawo kweni ŵakuchitapo kanthu chara. Ŵajara maso ghawo na makutu ghawo kuti ŵaleke kuwona na kupulika kweniso kupulikiska na mtima wawo na kuwerako kuti ine niŵachizge.”’+