LAYIBULARE YA PA INTANETI ya Watchtower

LAYIBULARE YA PA INTANETI ya Watchtower

LAYIBULARE YA PA INTANETI

2 Mathemba 18:13

Malemba Ghakupatulika mu Mang’anamuliro gha Charu Chiphya
- 13 Mu chaka cha 14 cha Themba Hezekiya, Senakeribu themba la Asiriya+ likawukira misumba yose ya malinga ghakukhora ya Yuda na kuyipoka.+

2 Midauko 32:1

Malemba Ghakupatulika mu Mang’anamuliro gha Charu Chiphya
- 32 Pamanyuma pa kuchita vinthu ivi mwakugomezgeka,+ Senakeribu themba la Asiriya wakiza na kunjira mu Yuda. Wakazingilizga misumba yakukhora, wakakhumba kuyibwangandura na kuyipoka.+

Yesaya 8:7, 8

Malemba Ghakupatulika mu Mang’anamuliro gha Charu Chiphya
- 7 Ntheura wona, Yehova wizenge pa iwo na
  Maji ghankhongono na ghanandi gha Mlonga,*
  Themba la Asiriya+ na uchindami wake wose.
  
  Wizenge pa tumilonga twake tose
  Kufulukira mumphepete mwake mose
  8 Na kujumpha mu Yuda.
  
  Wazamufulukira na kujumpha, kufika mu singo.+
  Mapapindo ghake ghakutandawuka, ghazamuzuzga usani wa charu chako,
  Iwe Emanuwelu!”*+

Yesaya 10:28-32

Malemba Ghakupatulika mu Mang’anamuliro gha Charu Chiphya
- 28 Wiza ku Ayati,+
  Wajumpha mu Migironi.
  Waŵika vibwayira vyake pa Mikimashi.+
  
  29 Ŵajumpha pa jambuko,
  Ŵagona pa Geba,+
  Rama wakutenthema, Gibeya+ wa Sauli wachimbira.+
  
  30 Chemerezga na kukolomoka, iwe mwana msungwana wa Galimu!
  
  Tegherezga, iwe Layisha!
  
  Iwe wakusokwa, Anatoti!+
  
  31 Madimena wachimbira.
  
  Awo ŵakukhala mu Gebimu ŵakupenja kwakubisama.
  
  32 Mu zuŵa lenelili, wimilirenge pa Nobu.+
  
  Wakusunkhunya woko lake pa phiri la mwana msungwana wa Ziyoni,
  Kaphiri ka Yerusalemu.

Yesaya 33:8

Malemba Ghakupatulika mu Mang’anamuliro gha Charu Chiphya
- 8 Misewu yikuru yawuwa.
  Palije uyo wakwenda mu nthowa.
  
  Waswa* phangano,
  Wakana misumba.
  Wakupwelerako chara vya munthu.+