18 Mu chaka chachitatu cha Hosheya+ mwana wa Ela themba la Israyeli, Hezekiya+ mwana wa Ahazi+ themba la Yuda wakaŵa themba.

4 Ndiyo wakafumiskapo malo ghapachanya,+ wakaswa vipilara vyakupatulika, na kudumura chikhuni chakupatulika.*+ Wakaswaso njoka yamkuŵa iyo Mozesi wakapanga.+ Pakuti kuzakafika mu nyengo yira ŵanthu ŵa Israyeli ŵakasunkhizganga vyakununkhira kwa iyo, ndipo yikachemekanga chikozgo cha njoka yamkuŵa.*

31 Ŵakati ŵamara waka vyose ivi, Ŵaisrayeli wose awo ŵakaŵapo ŵakaluta ku misumba ya Yuda, ndipo ŵakaswa vipilara vyakupatulika,+ ŵakadumulira pasi vikhuni vyakupatulika,*+ na kubwangandura malo ghapachanya+ na majotchero+ mu Yuda mose na Benjamini, kweniso mu Efurayimu na Manase+ m’paka ŵakaviparanyirathu. Kufuma apo, Ŵaisrayeli wose ŵakawelera ku misumba yawo, waliyose ku malo ghake.