11 Nebukadinezara themba la Babuloni wakiza ku msumba uwu, apo ŵateŵeti ŵake ŵakawuzingilizga.

13 Penepapo likatorako kura usambazi wose wa nyumba ya Yehova na usambazi wa nyumba ya themba.+ Likadumura viteŵetero vyose vya golide ivyo Solomoni themba la Israyeli wakapanga mu tempile la Yehova.+ Ivi vikachitika nga umo Yehova wakayowoyera.

13 Ŵakalidi ŵakaswa mizati yamkuŵa+ ya nyumba ya Yehova, vyakuyegheramo+ na Nyanja yamkuŵa+ ivyo vikaŵa mu nyumba ya Yehova. Ŵakatora mkuŵa kuya nawo ku Babuloni.+

18 Viteŵetero vyose vya nyumba ya Chiuta waunenesko, vikuru panji vichoko, kweniso usambazi wa nyumba ya Yehova na usambazi wa themba na wa ŵakaronga ŵake, vyose wakaluta navyo ku Babuloni.+

1 Mu chaka chachitatu cha muwuso wa Yehoyakimu+ themba la Yuda, Nebukadinezara themba la Babuloni wakiza ku msumba wa Yerusalemu na kuwuzingilizga.+ 2 Pamanyuma, Yehova wakapeleka Yehoyakimu themba la Yuda mu woko lake,+ pamoza na viteŵetero vinyake vya mu nyumba* ya Chiuta waunenesko, ndipo iyo wakaluta navyo ku charu cha Shinara*+ mu nyumba ya chiuta wake. Wakaŵika viteŵetero ivi mu nyumba* ya chiuta wake umo ŵakasunganga chuma.+