3 Mu mazuŵa ghara, kukiza Yohane+ Mubatizi, wakapharazganga+ mu mapopa gha Yudeya,

3 Nakuti uyu ndiyo wakayowoyeka kwizira mwa ntchimi Yesaya+ mu mazgu agha: “Mazgu gha munthu munyake ghakuchemerezga mu mapopa ghakuti: ‘Nozgani nthowa ya Yehova!* Nyoloskani misewu yake.’”+

2 Nga ni umo kuli kulembekera mu buku la Yesaya ntchimi kuti: “(Wona! Nkhutuma thenga lane panthazi pako,* ilo lizamunozga nthowa yako.)+ 3 Mazgu gha munthu ghakuchemerezga mu mapopa, kuti, ‘Nozgani nthowa ya Yehova!* Nyoloskani misewu yake.’”+ 4 Yohane Mubatizi wakaŵa mu mapopa, wakapharazganga kuti ubatizo ntchimanyikwiro cha kung’anamuka mtima kuti zakwananga zigowokereke.+

3 Ntheura wakenda mu charu chose cha Yorodani, wakapharazganga kuti ubatizo ntchimanyikwiro cha kung’anamuka mtima kuti zakwananga zigowokereke.+ 4 Nga umo kuli kulembekera mu buku la mazgu gha ntchimi Yesaya kuti: “Mazgu gha munthu uyo wakuchemerezga mu mapopa, ghakuti: ‘Nozgani nthowa ya Yehova!* Nyoloskani misewu yake.+ 5 Dambo lililose liwundike, ndipo phiri lililose na tumapiri vikhizgikire pasi. Nthowa zakuzgomba zinyoloke ndipo malo gha mabonkho* ghaŵe skee. 6 Ŵanthu wose ŵazamuwona chiponosko cha Chiuta.’”*+

23 Iyo wakati: “Ndine lizgu la uyo wakuchemerezga mu mapopa kuti, ‘Nyoloskani nthowa ya Yehova,’*+ nga umo ntchimi Yesaya yikayowoyera.”+