LAYIBULARE YA PA INTANETI ya Watchtower

LAYIBULARE YA PA INTANETI ya Watchtower

LAYIBULARE YA PA INTANETI

Genizesi 1:16

Malemba Ghakupatulika mu Mang’anamuliro gha Charu Chiphya
- 16 Chiuta wakapanga vyakungweluskira vikuru viŵiri, chakungweluskira chikuruko kuti chiwusenge muhanya+ na chakungweluskira chichokoko kuti chiwusenge usiku, wakapangaso nyenyezi.+

Yesaya 54:10

Malemba Ghakupatulika mu Mang’anamuliro gha Charu Chiphya
- 10 Pakuti mapiri ghangawuskikapo,
  Tumapiri tungasunkhunyika,
  Kweni chitemwa* chane chiwuskikengeko chara kwa iwe,+
  Phangano lane la mtende nalo lisunkhunyikenge chara,”+ wakuti Yehova, uyo wakukuchitira lusungu.+

Yeremiya 31:35-37

Malemba Ghakupatulika mu Mang’anamuliro gha Charu Chiphya
- 35 Ndimo wakuyowoyera Yehova,
  Uyo wakupeleka dazi kuti lingweluskenge muhanya,
  Malango gha mwezi na nyenyezi kungweluska usiku,
  Uyo wakuvundura nyanja kuti majigha ghake ghapome,
  Uyo zina lake ni Yehova wa mawumba:+
  
  36 “Yehova wakuti: ‘Usange malango agha ghangatondeka,
  Apo ndipo mphapu ya Israyeli yizamulekera kuŵa mtundu pamaso pane muyirayira.’”+
  
  37 Yehova wakuti: “‘Usange mtambo kuchanya ungapimika ndipo malufura gha charu ghangasandika, apo ndipo ningataya mphapu yose ya Israyeli chifukwa cha vyose ivyo ŵachita,’ wakuti Yehova.”+