4 Zedekiya themba la Yuda na ŵasilikari wose ŵakati ŵaŵawona, ŵakachimbira.+ Ŵakafumamo mu msumba usiku ku nthowa yakuyira ku munda wa themba, kujumpha pa chipata icho chikaŵa pakati pa viliŵa viŵiri. Ŵakalutilira na nthowa ya ku Araba.+ 5 Kweni ŵankhondo ŵa Ŵakalidi ŵakaŵaskera, ndipo ŵakamusanga Zedekiya mu vidika vya Yeriko.+ Ŵakamukora na kuluta nayo kwa Nebukadinezara* themba la Babuloni ku Ribula+ mu charu cha Hamati,+ uko wakamweruzgira. 6 Themba la Babuloni likalangura kuti ŵana ŵa Zedekiya ŵakomeke pamaso pake, mwenemura mu Ribula. Themba la Babuloni likakoma ŵanthu ŵakuchindikika wose ŵa Yuda.+ 7 Kufuma apo, likamudolora maso Zedekiya, ndipo likamukaka na maunyoro ghamkuŵa kuluta nayo ku Babuloni.+