33 Namumbininiskira imwe mu ŵamitundu,+ namusolora lupanga na kumuchimbizgani.+ Charu chinu chamuzgoka mapopa+ ndipo misumba yinu yamupankhuka.

14 Likatolera ku wuzga Yerusalemu yose, ŵakaronga wose,+ vinkhara vyankhondo vyose, na nkhwantha zose za vyakuŵaja na za visulo.+ Likatolera ŵanthu 10,000 ku wuzga. Pakaŵavya uyo wakasidika padera pa ŵakavu chomene ŵa mu charu.+ 15 Ntheura ndimo wakatolera Yehoyakini+ kuya nayo ku wuzga ku Babuloni.+ Wakatoraso nyina wa themba, ŵawoli ŵa themba, ŵantchito ŵake, na ŵanalume ŵakumanyikwa mu charu, wakaluta nawo ku wuzga kufuma ku Yerusalemu kuya ku Babuloni.

21 Themba la Babuloni likaŵatimba na kuŵakomera ku Ribula mu charu cha Hamati.+ Ntheura Yuda wakaluta ku wuzga kufumamo mu charu chake.+

9 Nebuzaradani,+ mulara wa ŵalinda wakatolera ku Babuloni ŵanthu ŵanyake wose awo ŵakasidika mu msumba, awo ŵakagwenthera kwa iyo, na waliyose uyo wakakhalira.

27 Themba la Babuloni likaŵatimba na kuŵakomera ku Ribula+ mu charu cha Hamati. Ntheura Yuda wakaluta ku wuzga kufumamo mu charu chake.+