11 “Fumu Yikuru Yehova yayowoya kuti, ‘Ntheura, umo ine niliri wamoyo, chifukwa chakuti iwe ukafipiska malo ghane ghakupatulika na vikozgo vyako vyaukazuzi ndiposo na vyakuchita vyako vyose vyaunyankhasi,+ naneso nikukanenge. Jiso lane likuchitirenge chitima chara ndipo nikulongorenge chiwuravi chara.+

4 Jiso lane limuchitiraninge chitima chara. Ndipo nimuchitiraninge chiwuravi yayi,+ chifukwa nimulanganinge kuyana na nthowa zinu. Musuzgikenge chifukwa cha machitiro ghinu ghaukazuzi.+ Ndipo mumanyenge kuti ine ndine Yehova.’+