9 Ntheura ŵalembi ŵa themba ŵakachemeka pa nyengo yira mu mwezi wachitatu, ndiko kuti, mwezi wa Sivani,* pa zuŵa la 23, ndipo ŵakalemba vyose ivyo Modekayi wakaŵaphalira. Wakalembera Ŵayuda, ŵawusi,+ ŵakazembe, na ŵakaronga ŵa vigaŵa,+ kwamba ku Indiya m’paka ku Etiyopiya, vigaŵa 127. Chigaŵa chilichose ŵakachilembera mu kalembero kake na ku ŵanthu wose mu chiyowoyero chawo, kweniso ku Ŵayuda mu kalembero kawo na chiyowoyero chawo.

4 “Kufuma kwa Themba Nebukadinezara kuya ku ŵanthu wose, ku mitundu, na ŵanthu ŵa viyowoyero vyose awo ŵakukhala pa charu chose chapasi: Mtende ukuru uŵe namwe!