-
Salimo 22:27Malemba Ghakupatulika mu Mang’anamuliro gha Charu Chiphya
-
-
27 Vigoti vyose vya charu chapasi vikumbukenge na kuzgokera kwa Yehova.
Mafuko ghose gha mitundu ghasindamenge pamaso pinu.+
-
-
Yesaya 2:2, 3Malemba Ghakupatulika mu Mang’anamuliro gha Charu Chiphya
-
-
2 Mu mazuŵa ghaumaliro,
Phiri la nyumba ya Yehova
Lizamukhazikika pachanya chomene pa mapiri,+
Lizamutumphuskika pachanya pa tumapiri,
Ndipo mitundu yose yizamuthilimukira kwenekuko.+
3 Ŵanthu ŵanandi ŵazamulutako na kuyowoya kuti:
“Zaninge, tiyeni tikwelere ku phiri la Yehova,
Ku nyumba ya Chiuta wa Yakhobe.+
Wamutisambizga nthowa zake,
Ndipo tamwenda mu mendero ghake.”+
-
-
Zekariya 8:22, 23Malemba Ghakupatulika mu Mang’anamuliro gha Charu Chiphya
-
-
22 Ŵanthu ŵanandi ndiposo mitundu yankhongono, ŵazamwiza kuzakapenja Yehova wa mawumba mu Yerusalemu,+ na kuŵeyelera Yehova kuti waŵachitire lusungu.’
23 “Yehova wa mawumba wakuti: ‘Mu mazuŵa agho, ŵanthu 10 ŵakufuma mu mitundu+ ya viyowoyero vyose ŵazamukora, enya, ŵazamukoleska munjilira wa Muyuda,* na kuyowoya kuti: “Tikukhumba kuluta namwe,+ pakuti tapulika kuti Chiuta wali namwe mwaŵanthu imwe.”’”+
-