9 Kweni nga umo kuli kulembekera kuti: “Palije munthu uyo wali kuwonapo panji kupulikapo, nesi kughanaghanirapo mu mtima wake vinthu ivyo Chiuta wanozgera awo ŵakumutemwa.”+ 10 Pakuti Chiuta wali kutivumbulira ise vinthu ivi+ kwizira mu mzimu wake,+ chifukwa mzimu ukusanda mu vinthu vyose, nanga ni vinthu vyakubisika* vya Chiuta.+

9 Wakativumbulira chisisi chakupatulika*+ cha khumbo lake icho chikumukondweska, ndipo chisisi chakupatulika ichi chikukolerana na icho wakukhumba kuchita 10 kuti para nyengo yakutemeka yakwana, paŵe ndondomeko* yakuti wawunganye vinthu vyose pamoza mwa Khristu, vinthu vya kuchanya na vinthu vya pa charu chapasi.+ Mwa iyo 11 uyo tili nayo mu umoza, nase tikagaŵirika kuŵa ŵahaliri.+ Pakuti tikasorekerathu mwakuyana na chilato cha Chiuta uyo wakufiska vinthu vyose ivyo waghanaghana kuyana na khumbo lake. 12 Wakachita ichi kuti ise tikaŵa ŵakwamba kugomezga mwa Khristu tilumbe na kuchindika Chiuta.

26 Mazgu agha ntchisisi chakupatulika*+ icho chikabisika mu nyengo* iyo yajumpha+ na ku miwiro iyo yajumpha. Kweni sono chavumbulika ku ŵatuŵa ŵake,+ 27 awo Chiuta wakukondwa nawo ndipo wakuŵamanyiska usambazi wauchindami wa chisisi chakupatulika+ ichi mu ŵamitundu. Chisisi chakupatulika ichi ni Khristu mu umoza na imwe muli na chigomezgo cha kuzakaŵa nayo mu uchindami wake.+