48 Kweni pakuzgora Yesu wakati kwa iwo: “Kasi mwiza na malupanga na zinthonga kuzakanikora nga ni para mukulimbana na chigeŵenga?+ 49 Zuŵa lililose nkhaŵanga namwe mu tempile kusambizga,+ kweni mukanikora chara. Kweni ivi vyachitika kuti Malemba ghafiskike.”+

52 Yesu wakati ku ŵalara ŵa ŵasembe na ŵakapitawo ŵa pa tempile na ŵalara awo ŵakiza kuzakamukora: “Kasi mwiza na malupanga na zinthonga nga ni para mukulimbana na chigeŵenga?+ 53 Apo zuŵa lililose nkhaŵanga namwe mu tempile,+ mukanikora chara.+ Kweni ili ni ora linu kweniso la ŵamazaza awo ŵali mu chisi.”+