5 “Wonani, nkhumutumirani ntchimi Eliya+ pambere zuŵa likuru na lakofya la Yehova lindize.+ 6 Iyo wazamuzgora mitima ya ŵadada kuti yiwelereso ku ŵana ŵawo,+ na mitima ya ŵana kuti yiwelereso kwa awiskewo, mwakuti nileke kwiza na kutimba charu chapasi, kuchipeleka ku pharanyiko.”

27 Sono Yesu na ŵasambiri ŵake ŵakanyamuka kuya mu mizi ya ku Kesareya Filipi. Pa nthowa wakamba kufumba ŵasambiri ŵake, wakati: “Kasi ŵanthu ŵakuti ndine njani?”+ 28 Ŵakati kwa iyo: “Yohane Mubatizi,+ kweni ŵanyake ŵakuti Eliya,+ ŵanyakeso ŵakuti, yumoza wa ntchimi.”