LAYIBULARE YA PA INTANETI ya Watchtower

Ekisodo 20:9, 10

Malemba Ghakupatulika mu Mang’anamuliro gha Charu Chiphya
- 9 Mu mazuŵa 6, uchitenge ntchito zako zose na mulimo wako.+ 10 Kweni zuŵa la 7 ni sabata la Yehova Chiuta wako. Ungachitanga mulimo uliwose chara, iwe, mwana wako mwanalume panji mwanakazi, muzga wako mwanalume panji mwanakazi, panji chiŵeto chako, nanga ni mulendo uyo wakukhala mu vikaya* vyako.+

Dotoronome 5:13, 14

Malemba Ghakupatulika mu Mang’anamuliro gha Charu Chiphya
- 13 Mazuŵa 6, uchitenge ntchito zako na milimo yako yose.+ 14 Kweni zuŵa la 7 ni sabata la Yehova Chiuta wako.+ Ungachitanga mulimo uliwose chara,+ iwe, mwana wako mwanalume panji mwanakazi, muzga wako mwanalume panji mwanakazi, ng’ombe yako, mbunda yako, panji chiŵeto chako chilichose, nanga ni mulendo uyo wakukhala mu misumba* yako.+ Uchitenge nthena kuti muzga wako mwanalume panji mwanakazi wapumulenge nga ndiwe.+

Yohane 5:9, 10

Malemba Ghakupatulika mu Mang’anamuliro gha Charu Chiphya
- 9 Nyengo yeneyiyo munthu yura wakachira, ndipo wakanyamura mphasa yake na kwamba kwenda.
  
  Zuŵa lira likaŵa la Sabata. 10 Ntheura Ŵayuda ŵakamba kuyowoya na munthu uyo wakachizgika kuti: “Ni Sabata, ntchakuzomerezgeka chara kuti uyeghe mphasa.”+