23 Sono wakati wanjira mu nyumba ya muwusi na kuwona ŵakulizga fyoliro na mzinda ukutengera chomene,+ 24 Yesu wakati: “Fumanimo, chifukwa msungwana wandafwe, kweni wakugona.”+ Wati wayowoya nthena, ŵakamba kumuseka mwamsinjiro. 25 Mzinda ukati wafumira kuwaro, wakanjira na kukora woko la msungwana,+ ndipo msungwana wakawuka.+ 26 Nkhani iyi yikathandazgika mu chigaŵa chose chira.

38 Ntheura ŵakiza ku nyumba ya mulara wa sunagoge, ndipo wakasanga chiwawa chikuru na ŵanthu ŵakulira na kutengera chomene.+ 39 Wakati wanjira, wakati kwa iwo: “Chifukwa wuli mukulira na kuchita chiwawa chikuru nthena? Mwana wandafwe, kweni wakugona.”+ 40 Ŵanthu ŵakamba kumuseka mwamsinjiro. Kweni wakati waŵafumiska wose, wakatora wiske wa mwana na nyina na awo ŵakaŵa nayo, ndipo wakanjira umo mukaŵa mwana. 41 Wakakora woko la mwana, ndipo wakati kwa iyo: “Talita kumi,” kung’anamura kuti: “Msungwana, nkhukuphalira, ‘wuka!’”+ 42 Nyengo yeneyiyo, msungwana yura wakawuka na kwamba kwenda. (Wakaŵa wa vyaka 12.) Ndipo ŵakakondwa chomene. 43 Kweni wakaŵaphalira mwakuwerezgawerezga kuti ŵaleke kuphalira munthu waliyose za ichi,+ ndipo wakati mwana ŵamupe chakurya warye.

11 Wakati wayowoya vinthu ivi, wakayowoyaso kuti: “Lazaro mubwezi withu wali mu tulo,+ kweni ine nkhuluta kwenekura kukamuwuska mu tulo.”

60 Ndipo wakajikama na kuchemerezga na lizgu lankhongono kuti: “Yehova,* mungaŵapanga mulandu chara pa kwananga uku.”+ Ndipo wakati wayowoya ichi, wakagona tulo mu nyifwa.

36 Davide wakateŵetera Chiuta* mu muwiro wake, wakagona tulo mu nyifwa, ŵakaŵikika pamoza na ŵasekuru ŵake, ndipo thupi lake lili kuvunda.+