27 Sono Yesu na ŵasambiri ŵake ŵakanyamuka kuya mu mizi ya ku Kesareya Filipi. Pa nthowa wakamba kufumba ŵasambiri ŵake, wakati: “Kasi ŵanthu ŵakuti ndine njani?”+ 28 Ŵakati kwa iyo: “Yohane Mubatizi,+ kweni ŵanyake ŵakuti Eliya,+ ŵanyakeso ŵakuti, yumoza wa ntchimi.”

18 Pamanyuma pake, apo wakalombanga payekha, ŵasambiri ŵakiza kwa iyo, ndipo wakaŵafumba kuti: “Kasi mizinda yikuti ndine njani?”+ 19 Ŵakazgora kuti: “Yohane Mubatizi, kweni ŵanyake ŵakuti Eliya, ŵanyakeso ŵakuti yumoza wa ntchimi zakale wawuka ku ŵakufwa.”+