5 Musungenge malango ghane na vyeruzgo vyane. Waliyose uyo wakuchita ntheura waŵenge wamoyo pakuvisunga.+ Ine ndine Yehova.

26 Wakati kwa iyo: “Kasi mu Dango muli kulembeka vichi? Ukuŵazga wuli?” 27 Wakazgora kuti: “‘Utemwenge Yehova* Chiuta wako na mtima wako wose na umoyo wako wose na nkhongono zako zose na maghanoghano ghako ghose,’+ ndiposo utemwenge ‘mzengezgani wako nga umo ukujitemwera wamwene.’”+ 28 Yesu wakati kwa iyo: “Wazgora makora; lutilira kuchita ichi ndipo uzamusanga umoyo.”+