12 Ndipouli, wose awo ŵakamupokelera, wakaŵapa mazaza ghakuti ŵaŵe ŵana ŵa Chiuta,+ chifukwa ŵakaŵa na chipulikano mu zina lake.+ 13 Ndipo ŵakababika na ndopa chara panji mu khumbo lathupi panji mu khumbo la mwanalume, kweni na Chiuta.+

28 Tikumanya kuti Chiuta wakuchitiska milimo yake yose kuŵa yakukolerana kuti awo ŵakumutemwa ŵawone chandulo, awo ŵakachemeka mwakuyana na khumbo lake.+

13 Kweni namwe mukagomezga mwa iyo mukati mwapulika mazgu gha unenesko, makani ghawemi gha chiponosko chinu. Kweniso kwizira mwa iyo, mukati mwagomezga,+ mukadindika na mzimu utuŵa uwo ukalayizgika, 14 uwo ntchikhole cha chiharo chithu.+ Chiuta wakachita nthena kuti wafwature ŵanthu ŵake+ na chiwombolero,+ mwakuti ŵamulumbe na kumuchindika.

13 Kweni tikwenera kuwonga Chiuta nyengo zose chifukwa cha imwe, ŵabali ŵakutemweka na Yehova,* chifukwa Chiuta wakamusorani+ pakwamba kuti muponoskeke, mutuŵiskike na mzimu,+ kweniso muŵe na chipulikano mu unenesko.

23 Pakuti mwapika kubabika kuphya,+ na mbuto iyo yikuvunda yayi, kweni na mbuto yambura kuvunda,+ kwizira mu mazgu gha Chiuta wamoyo na wakukhalilira.+