Ivyo vili mu Buku la Masalimo
Salimo 113:1
113 Lumbani Ya!
Pelekani malumbo, imwe ŵateŵeti ŵa Yehova,
Lumbani zina la Yehova.
2 Zina la Yehova lilumbike
Kwamba sono m’paka muyirayira.+
3 Kwamba kumafumiro gha dazi m’paka kumanjiliro ghake,
Zina la Yehova lilumbike.+
4 Yehova wali pachanya pa mitundu yose.+
Uchindami wake uli pachanya pa mitambo.+
5 Ni njani uyo wakuyana na Yehova Chiuta withu,+
Mweneuyo wakukhala pachanya?
6 Wakukotama kuti walaŵiske mtambo na charu chapasi,+
7 Wakuwuska wakuyuyuka mu fuvu.
Na kunyamuska mukavu ku vyoto+
8 Mwakuti wamukhalike pamoza na ŵakuchindikika,
Pamoza na ŵakuchindikika ŵa ŵanthu ŵake.
9 Mwanakazi uyo ni chumba wakumupa nyumba,
Kuŵa mama wakukondwa wa ŵana ŵake.+
Lumbani Ya!