2 Samuyeli
22 Agha ni mazgu gha sumu+ iyo Davide wakimbira Yehova pa zuŵa ilo Yehova wakamuthaskira mu woko la ŵalwani ŵake+ wose na mu woko la Sauli.+ 2 Wakati:
“Yehova ni mphanji yane, linga lane lakukhora,+ na Muthaski wane.+
3 Chiuta wane ni jalawe lane,+ nkhubisama mwa iyo,
Chiskango chane+ na sengwe* lane la chiponosko,* chigongwe chane chakukhora+
Na malo ghane ghakuchimbilirako,+ mponoski wane,+ ndimwe mukuniponoska ku nkhaza.
4 Nkhuchema pa Yehova, uyo ngwakwenelera kulumbika,
Ndipo niponoskekenge ku ŵalwani ŵane.
7 Mu suzgo yane, nkhachema Yehova,+
Nkhachema Chiuta wane.
Wakapulika mazgu ghane mu tempile lake,
Ndipo kulira kwane kupempha wovwiri kukafika mu makutu ghake.+
8 Charu chapasi chikamba kusunkhunyika na kundindima.+
Machanya ghakayaghayika+
Ghakasunkhunyikanga uku na uku chifukwa iyo wakakwiyiskika.+
9 Josi likakwera kufuma mu mphuno zake,
Moto wakumyangura ukafuma mu mulomo wake.+
Makara ghamoto ghakanyeka kufuma kwa iyo.
11 Wakakwera pa kerubi+ ndipo wakadukanga pakwiza,
Wakawonekanga pa mapapindo gha mzimu.*+
12 Wakajibenekelera na chisi nga ntchisakasa,+
Mu maji gha bii na mabingu gha bii.
13 Kufuma mu ungweru uwo ukaŵa pamaso pake makara ghamoto ghakanyeka.
16 Migelo yakusi kwa nyanja yikawonekera.+
Pakuchenya kwa Yehova, malufura* gha charu ghakafukulika,
Pakuthuta kwa mvuchi wa mu mphuno zake.+
17 Wakathekama kufuma kuchanya,
Wakanikora na kunizuwura mu maji ghakunyang’amira.+
18 Wakanithaska kwa mulwani wankhongono,+
Ku awo ŵakanitinkhanga, awo ŵakaŵa ŵankhongono kuluska ine.
19 Ŵakanikumanizga pa zuŵa la soka lane,+
Kweni Yehova wakanifighilira.
21 Yehova wakunipa njombe kuyana na urunji wane.+
Wakunilipira chifukwa chakuti mawoko ghane ngambura mulandu.*+
22 Pakuti nasungilira nthowa za Yehova,
Nindachite uheni, kumusida Chiuta wane.
25 Mphanyi Yehova waniwezgera kuyana na urunji wane,+
Kuyana na umo niliri wambura mulandu pamaso pake.+
26 Uyo ngwakugomezgeka mukuchita nayo mwakugomezgeka.+
Munthu wambura kafukwa, wankhongono, mukuchita nayo kwambura kafukwa.+
27 Kwa wakutowa mukuwoneka wakutowa,+
Kweni kwa mukhuluku mukuwoneka wakuchenjera.+
28 Pakuti mukuponoska awo mbakujiyuyura,+
Kweni maso ghinu ghakwimikana na ŵakujikuzga, ndipo mukuŵakhizga.+
30 Na wovwiri winu ningalimbana na gulu la ŵakuwukira.
Ningaŵenuka chiliŵa na nkhongono ya Chiuta.+
Iyo ntchiskango ku wose awo ŵakubisama mwa iyo.+
32 Kasi ni njani Chiuta padera pa Yehova?+
Jalawe ni njani, padera pa Chiuta withu?+
34 Wakuzgora malundi ghane nga ni mbaŵala yanalume,
Wakuniyimika pa malo ghapachanya.+
35 Wakusambizga mawoko ghane kurwa nkhondo,
Mawoko ghane ghangagoŵa uta wamkuŵa.
38 Niskerenge ŵalwani ŵane na kuŵaparanya.
Niwelerenge chara m’paka ŵamalirethu.
39 Niŵaphyerengepo na kuŵaphwanya, mwakuti ŵangawukaso chara.+
Ŵawenge kusi ku malundi ghane.
42 Ŵakulira kupempha wovwiri, kweni kulije wakuŵaponoska,
Ŵakulilira na kwa Yehova wuwo, kweni wakuŵazgora yayi.+
43 Niŵapondenge litulitu nga ni fuvu la charu.
Niŵadyakenge na kuŵakanda nga ni mathipa mu misewu.
44 Munithaskenge ku ŵanthu ŵakwithu awo ŵakupenjana vifukwa.+
46 Ŵalendo ŵathikenge lusoko,*
Ŵambwambwanthenge pakufuma mu malo agho ŵakabisama.
47 Yehova ngwamoyo. Lilumbike Jalawe lane!+
Chiuta wa jalawe la chiponosko chane wakwezgeke.+