Masalimo

Kwa wakulongozga sumu. Yimbike na vyakwimbira vya vingwe. Salimo la Davide.

61 A Chiuta, pulikani kulira kwane kuti munovwire.

Tegherezgani lurombo lwane.+

2 Nichemerezgenge kwa imwe kufuma ku vigoti vya charu chapasi

Para mtima wane ukwenjerwa.*+

Nitolerani ku jalawe ilo nditali chomene kuluska ine.+

3 Pakuti ndimwe chiphokwero chane,

Chigongwe chakukhora icho chikunivikilira ku mulwani.+

4 Niŵenge mulendo mu hema linu muyirayira.+

Nibisamenge kusi ku mapapindo ghinu.+ (Selah)

5 Pakuti imwe, A Chiuta, mwapulika vilapo vyane.

Mwanipa chiharo icho ntcha awo ŵakopa zina linu.+

6 Musazgirengeko mazuŵa ku umoyo* wa themba.+

Ndipo vyaka vyake viŵenge vya ku muwiro umoza kuya ku muwiro unyake.

7 Likhale pa chitengo muyirayira pamaso pa Chiuta.+

Lipani lusungu* na kugomezgeka kuti vilisungilire.+

8 Penepapo nimbirenge malumbo zina linu muyirayira,+

Apo nkhufiska vilapo vyane zuŵa na zuŵa.+