Sangwani na Umoyo pa Caru Capasi Kwamuyirayira!
Kabuku aka kanozgeka kovwira imwe kuti mumanye mweneuyo wali kupanga caru capasi na vyose ivyo virimo. Musambirenge kuti Ciuta, uyo walikulenga caru capasi, wali na zina. Tipharengemoso cifukwa ico Ciuta wakapangira muntu na umo imwe mungasangwira na umoyo pa caru capasi kwamuyirayiya.
Tikugomezga kuti vithuzithuzi vinandi vimovwiraninge kuŵa na cithuzithuzi ciweme ca vintu ivi. Kuti muŵe na candulo cikulu, mukwenera kuŵazga malemba ghose gha mu Baibulo agho ghalembeka pafupi na vithuzithuzi vinandi. Mwantowa iyi, mujiŵazgirenge mwaŵeneco vilayizgo vinyakhe viweme vya Ciuta ivyo viri mu Baibulo na ico Ciuta wakukhumba kuti mucite kuti mupokerere kukwaniriskika kwa ivyo walayizga.
Panyakhe mungakhumba kugwiriskira ncito kabuku aka kovwira ŵantu ŵanyake. Usange muli na ŵana, kagwiriskani ncito kuti ŵasambire vya Ciuta. Usange mukukhala mu caru umo ŵantu ŵanandi ŵarara ŵakutondeka kuŵazga, mungagwiriskira ncito vithuzithuzi kuŵawovwira kupulikiska khumbo la Ciuta mwakuti nawoso, panyuma, ŵovwire ŵanasi ŵaŵo.
Ncigomezgo cithu cikuru cakuti kusambira mazgu agha kujurenge ntowa yinu yakupokera vitumbiko vinandi, na kurongozga ŵanyake umo ŵangasangwira na umoyo pa caru capasi kwamuyirayira!