“YEHOVA WAKUTEMWA URUNJI”

Mazuŵa ghano pa charu chapasi pakuchitika vinthu vinandi vyambura urunji, ndipo ŵanthu ŵakuyowoyera utesi Chiuta kuti ndiyo wakuchitiska vinthu ivi. Kweni Baibolo likutisambizga unenesko wakukhozga pa nkhani iyi, likuti “Yehova wakutemwa urunji.” (Salimo 37:28) Mu chigaŵa ichi tisambirenge umo iyo walongolera urunji, ndipo ichi chikupeleka chigomezgo chiwemi ku ŵanthu wose.