Umaliro

Kasi mukukumbuka vinthu vyakukondweska ivyo vikamuchitikiranipo apo mukaŵanga pamoza na ŵanthu ŵa Yehova? Panji mukakondwa na nkhani yakukhozga iyo yikayowoyeka ku mpingo, panji ungano unyake wa chigaŵa. Kasi mukakondwa na vinthu vinyake ivyo vikamuchitikirani mu upharazgi, panji nkhani yinyake iyo mukadumbiskana na Mkhristu munyinu? Mundamuluwe Yehova ndipo iyo nayo wandamuluwani. Wakukumbukira makora ivyo mukamuchitiranga pakwamba. Ndipo ngwakunozgeka kumovwirani kuti muwelere kwa iyo.

Yehova wakuti: “Mberere zane nizipenjenge nekha, ndipo nizipwelelerenge. Nizamupwelelera mberere zane nga ni muliska uyo wasanga mberere zake izo zikambininika ndipo wakuziliska. Nizamuziponoska ku malo ghose agho zikambininikira.”—Ezekiyeli 34:11, 12.