Chitima
Kasi ni viyelezgero wuli vya mu Baibolo ivyo vikulongora kuti nkhwananga yayi kuŵa na chitima para uyo tikumutemwa wafwa?
Kasi ntchivichi chikulongora kuti Yehova wakukhumbisiska kukhozga awo ŵali na chitima?
Chifukwa wuli tikukhozgeka kumanya ivyo vikuchitika para munthu wafwa?
Viyelezgero vya mu Baibolo ivyo vingamovwirani:
Lu 20:37, 38—Yesu wakalongosora kuti ŵakufwa ŵazamuwuka nadi ndipo kwa Yehova ŵali nga ŵachali ŵamoyo
Yoh 11:5, 6, 11-14—Lazaro mubwezi wa Yesu wakati wafwa, Yesu wakayaniska nyifwa na kugona tulo
Heb 2:14, 15—Mpositole Paulosi wakalongosora kuti tikwenera yayi kopa nyifwa
Chifukwa wuli munthu wakuzirwa chomene para wafwa kuluska para wakubabika?
Kasi Baibolo likulongosora wuli nyifwa, ndipo Chiuta wazamuchita vichi na nyifwa?
Chifukwa wuli tikwenera kugomezga kuti chiwuka chizamuŵako nadi?
Yes 26:19; Yoh 5:28, 29; Mil 24:15
Viyelezgero vya mu Baibolo ivyo vingamovwirani:
Baibolo likuyowoya za ŵanthu 9 awo ŵakawuskika, 8 ŵakawuskikira pa charu chapasi. Para wakutemweka winu wafwa mungakhozgeka chomene na nkhani izi na kugomezga ivyo Yehova walayizga munthazi
1Ma 17:17-24—Ntchimi Eliya yikawuska mwana wa chokoro ku Zarefati mu msumba wa Sidoni
2Ma 4:32-37—Ntchimi Elisha yikawuska msepuka mu msumba wa Shunemu na kumupeleka ku ŵapapi ŵake
2Ma 13:20, 21—Mwanalume munyake wakawuka thupi lake likati lakhwaskana waka na viwangwa vya Elisha
Lu 7:11-15—Mu msumba wa Nayini, Yesu wakasangana na gulu ilo likayeya chitanda cha mwana wa chokoro chinyake ndipo wakamuwuska
Lu 8:41, 42, 49-56—Yesu wakawuska mwana msungwana wa Yayiro, mulara wa sunagoge
Yoh 11:38-44—Yesu wakawuska mubwezi wake Lazaro ndipo wakakumanaso na ŵadumbu ŵake Malita na Mariya
Mil 9:36-42—Mpositole Petrosi wakawuska Dorika, Mkhristu uyo wakamanyikwanga na milimo ya lusungu
Mil 20:7-12—Mpositole Paulosi wakawuska Yutiko uyo wakawa kufuma pa windo na kufwa
Yehova wakawuskira Yesu kuchanya na umoyo wambura kufwa ndipo ivi vikupangiska kuti vyose ivyo Yehova walayizga munthazi vizakafiskike nadi
Yesu ndiyo wakaŵa wakwamba kuwuskikira kuchanya na umoyo wambura kufwa; kweniso ŵakuphakazgika ŵa 144,000 nawo ŵakuwuskika mwakuyana waka