Lusungu
Kasi munthu walusungu wakuŵaso na mikhaliro wuli yinyake?
Viyelezgero vya mu Baibolo ivyo vingamovwirani:
Sa 51:1, 2—Themba Davide likapempha Yehova kuti walilongore lusungu. Apa likakhumbanga kuti Yehova waligowokere na kulitozga ku kwananga
Lu 10:29-37—Yesu wakayowoya chiyelezgero cha Musamariya uyo wakalongora lusungu Muyuda kuti watisambizge za kuzirwa kwa mukhaliro walusungu
Chifukwa wuli ŵanthu wose ŵakwenera kuŵa ŵalusungu?
Wonaniso 1Ma 8:46-50
Kasi tikumanya wuli kuti Yehova ngwalusungu?
Ek 34:6; Ne 9:17; Sa 103:8; 2Ko 1:3
Viyelezgero vya mu Baibolo ivyo vingamovwirani:
Yob 42:1, 2, 6-10; Yak 5:11—Yehova wakalongora lusungu Yobu ndipo paumaliro wakamusambizga kuti nayo waŵe walusungu
Lu 15:11-32—Yesu wakayowoya ntharika ya mwana wakuzgeŵa kuti walongosore lusungu lwa Yehova
Chifukwa wuli Yehova wakutilongora lusungu?
Wonaniso Tit 3:4, 5
Kasi sembe ya Khristu yikutovwira wuli kuti zakwananga zithu zigowokereke?
Chifukwa wuli tikwenera kulomba lusungu kwa Yehova na kuleka kuluwona mwakupepuka?
Viyelezgero vya mu Baibolo ivyo vingamovwirani:
Sa 51:1-4—Themba Davide chitima chikalikora chomene chifukwa cha zakwananga izo likachita, ndipo likaŵeyelera Yehova kuti walilongore lusungu
Lu 18:9-14—Yesu wakayowoya ntharika iyo yikulongora kuti Yehova wakulengera lusungu ŵanthu awo ŵakujiyuyura na kuzomera zakwananga zawo
Chifukwa wuli awo ŵachita zakwananga zikuru nawo ŵangalongoreka lusungu?
Viyelezgero vya mu Baibolo ivyo vingamovwirani:
2Mi 33:9-13, 15—Nangauli Manase wakaŵa muheni chomene, kweni wakati walapa kufumira pasi pamtima na kulomba Yehova kuti wamulongore lusungu, Yehova wakamugowokera ndipo wakamuwezgeraso pa ufumu
Yon 3:4-10—Nangauli ŵanthu ŵa ku Nineve ŵakaŵa ŵankhaza chomene ndiposo ŵakaŵa na mulandu wa ndopa, kweni paumaliro ŵakalapa na kusintha nthowa zawo ndipo Chiuta wakaŵalongora lusungu
Kasi pali kukolerana wuli pakati pa kuphara zakwananga zithu na kulongoreka lusungu?
Lusungu lwa Yehova lukutivikilira kuti tileke kupokera chilango yayi panji ku masuzgo agho tingakumana nagho chifukwa cha zakwananga izo tachita
Chifukwa wuli tikwenera kulongora lusungu ŵanyithu?
Kasi ubwezi withu na Yehova ukukhwaskika wuli para tikuleka kulongora lusungu ŵanyithu?
Wonaniso Zinth 21:13
Viyelezgero vya mu Baibolo ivyo vingamovwirani:
Mt 18:23-35—Yesu wakayowoya ntharika iyo yikulongora kuti munthu uyo wakutondeka kulongora lusungu munyake, nayo Yehova wazamumulongora lusungu yayi
Lu 10:29-37—Ntharika yakumanyikwa makora iyi, yikulongora kuti Yehova na Yesu ŵakutinkha chomene ŵanthu awo ŵakutondeka kulongora lusungu ŵanyawo, kweni ŵakukondwa chomene na ŵanthu awo ŵakulongora lusungu ŵanyawo nga umo wakachitira Musamariya muwemi