Pakwamba Ŵakaŵacimbizga, Kaciŵiri Ŵakaŵapokelera

VILIMIKA vicoko waka ivyo vyajumpha, Santiago na muwoli wake Lourdes, ŵakasamira ku tawuni yakutowa ya Huillcapata, ku Peru, kuti ŵakapharazgire ŵanthu uthenga wa mu Baibolo. Kweni nyengo yicoko waka, kukiza wasembe kufuma ku Cuzco ndipo wakawunganya ŵanthu ŵa mu tawuni yira. Wasembe yura wakaŵacenjezga kuti cifukwa cakuti mu tawuni yira muli Ŵakaboni ŵa Yehova muŵenge muliri wakofya kweniso kuwenge ciwuvi cikuru ico cikomenge ng’ombe zawo na kunanga mbuto zawo.

Ŵanandi ŵakawugomezga “ucimi” uwu, ndipo myezi yinandi yikajumphapo, pakaŵavya munthu na yumoza mu tawuni yira uyo wakazomera kusambira Baibolo na Santiago na Lourdes. Mulara wa tawuni yira, Miguel, na waciŵiri kwa gavanala, ŵakacimbizga Santiago na Lourdes mu msewu na kuŵaponya na malibwe. Kweni Santiago na muwoli wake ŵakalutilira kucita vinthu mwamtende, pakuŵa Ŵakhristu.

Nyengo yikati yalutapo, ŵanyake mu tawuni yira ŵakazomera kusambira Baibolo. Miguel nayo wakasintha nkharo yake. Wakamba kusambira na Santiago, wakaleka kumwa comene moŵa, ndipo wakazgoka munthu wakutemwa mtende. Paumaliro, Miguel, muwoli wake, na ŵaŵiri mwa ŵana ŵake ŵasungwana ŵakasambira unenesko wa mu Baibolo.

Lero, mu tawuni yira muli mpingo wa Ŵakaboni ŵa Yehova uwo ukucita makora comene. Miguel ngwakukondwa kuti malibwe ghanandi agho wakaponyera Santiago na Lourdes ghakaŵaswa yayi, ndipo wakuwonga comene mbumba iyi cifukwa ca nkharo yawo ya kutemwa mtende.

[Vithuzithuzi pa peji 32]

Nkharo ya kutemwa mtende ya Santiago na Lourdes (pacanya) yikasintha mtima wa Miguel (kumalyero comene)