Tikumucemerani ku Nkhani Yapadera ya Mutu Wakuti

Mungaŵa Ŵakuvikilirika mu Caru Cakuzura na Masuzgo Ici!

Nkhani yakufuma mu Baibolo iyi yizamuyowoyeka pa caru cose, mu vyaru vyakujumpha 230. Mu vigaŵa vinandi yizamuyowoyeka pa Sabata, Epulero 15, 2007. Kasi muzamusambiraci mu nkhani iyi ? Wonani mafumbo ghakulondezgapo agha:

Nchivici ico cacitiska ŵanthu ŵanandi kuwona kuti mbambura kuvikilirika?

Kasi mphawuli apo ŵanthu ŵakambira kuwona kuti mbambura kuvikilirika?

Ni nkhu uko tingasanga civikiliro canadi, ndipo tingacisanga wuli?

Kuti musange mazgoro gha mafumbo agha muzakategherezge nkhani yakuzirwa iyi. Nkhani yakufuma mu Baibolo iyi yizamuyowoyeka mu vigaŵa vinandi pa caru cose. Mu vigaŵa vinandi yizamuyowoyekera mu Nyumba ya Ufumu ya Ŵakaboni ŵa Yehova. Ŵakaboni ŵa Yehova ŵa mu cigaŵa cinu ŵangamovwirani kuti mumanye nyengo na malo agho nkhani iyi yizamuyowoyekera. Tikumucemani na mtima wose kuti muzakategherezge nkhani yakukhozga kweniso ya panyengo yake iyi.