Kasi Mukukumbuka?
Kasi muli kuŵazgapo magazini gha Gongwe la Mulinda gha sonosono apa? Para ni nthena, yezgani kuzgora mafumbo agha:
• Kasi mbusambazi wuli uwo Ciuta wangamupani?
Kale, Yehova wakatumbika ŵanthu ŵanji nga Abrahamu na Solomoni mwa kuŵapa usambazi wakuthupi. Kweni usambazi uwo Ŵakhristu ŵakukhumbikwira ndiposo uwo Ciuta wangawovwira munthu kuwusanga nchipulikano, mtende, kukhorwa, na kukondwa.—10/1, peji 12-15.
• Kasi ivyo Yesu wakacita pakuponoska Petrosi apo wakabiranga mu nyanja vikutisambizga vici? (Mat. 14:28-31)
Usange tawona kuti mbali withu wakuŵa nga cipulikano cake nchicoko, tinganyoloska woko lithu na kumovwira kuti waŵe na cipulikano cikuru.—9/15, peji 8.
• Kasi Yehova wakajikomora wuli kuti ise tiwombokwe?
Yehova wakazizipizga apo Mwana wake wakayuzgikanga na kuneneka. Ndipo, nga umo Abrahamu wakaŵira wakunozgeka kupeleka mwana wake, Yehova wakazizipizga apo Mwana wake wakakomekanga nga nchigeŵenga.—9/15, peji 28-29.
• Kasi Yehova wakukhumba kuti ŵanthu awo wakuŵasambizga ŵaŵe wuli?
Cikuru ico cikukhumbikwa nchakuti munthu waŵe wakuzika ndiposo wakuzomera kusambizgika. Pa Salmo 25:8, 9, Davide wakalemba kuti: “Yehova ndi muwemi na wakunyoloka . . . Wakulongozga ŵakuzika . . . na kuŵasambizga nthowa yake.”—9/15, peji 21.
• Kasi lemba la Zintharika 24:27 likutisambizgaci pa nkhani ya ‘kuzenga nyumba’?
Mwanalume uyo wakukhumba kutora wakwenera kunozgekera makora. Ici cikusazgapo kunozgekera kuzakapwelelera mbumba mwakuthupi ndiposo kuŵa mudangiliri pa vinthu vyauzimu mu mbumba.—10/15, peji 12.
• Cifukwa wuli cikuŵa cacandulo ku ŵana para mukuŵa na Nyengo Yakusopera ya Mbumba nyengo zose?
Para mukucita nthena ŵana ŵalutilirenge kuwonga Yehova cifukwa ca vyose ivyo wacita, ndipo ciŵawovwirenge kuŵa ŵakukhora mwauzimu.—10/15, peji 30-31.
• Cifukwa wuli mudumbu uyo wakung’anamura nkhani za Baibolo kuya mu ciyowoyero ca mawoko pa maungano wakuvwara cinthu ku mutu?
Cifukwa ca vinthu ivyo tikugwiliskira nchito pakung’anamura nkhani kuya mu ciyowoyero ca mawoko vyeneivyo vikovwira kuti ŵanthu ŵawonenge makora, ŵanthu maso ghakuŵa kwa uyo wakung’anamura nkhani. Uyo wakung’anamura ndiyo kanandi wakuwoneka pa TV, peneapo mbali uyo wakuyowoya nkhani kanandi wakuwonekapo yayi. Ntheura cingaŵa cakwenelera kuti mudumbu uyo wakung’anamura nkhani kuya mu ciyowoyero ca mawoko wavwarenge cinthu ku mutu.—11/15, peji 12.
• Kasi Yehova na Yesu ŵali kutilekera wuli cakuwonerapo pakuyowoya za nkharo yiwemi?
Nangauli Yehova ngwapacanya, ngwalusungu ndiposo wakucindika ŵanthu. Pakuyowoya na Abrahamu na Mozesi, Yehova wakazunura mazgu agho mu Cihebere ghakulongora kuti wakaŵacindikanga. (Gen. 13:14; Ex. 4:6) Kweniso Ciuta wakupulikizga para ŵanthu ŵakuyowoya. (Gen. 18:23-32) Ndimo Yesu nayo wakacitiranga, ndipo wakaŵa wakunozgeka na wakukhumbisiska kovwira awo ŵakaŵa pafupi nayo, kanandi wakatemwanga kuŵazunura mazina ghawo.—11/15, peji 25.
• Kasi tingasanuzga wuli citemwa cithu ku ŵanji?
Para muli pa Nyumba ya Ufumu, yowoyani na ŵanthu awo nkhakwamba kwizako ndiposo tawuzgani ŵanthu wose, ŵalara na ŵana wuwo. Paturani nyengo yicoko waka yakucezgera na awo pajumpha mazuŵa mucali mundayowoyepo nawo. Jipharani zina linu ku ŵanji awo mwakumana nawo pa maungano gha dera na gha cigaŵa.—11/15, peji 20-22.