“Vikilira Mtima Wako!”
Ungano wa Cigaŵa wa Ŵakaboni ŵa Yehova
MUTU WA ZUŴA LAKWAMBA
“Yehova Wakulaŵiska mu Mtima.”1 SAMUEL 16:7.
MUTU WA ZUŴA LACIŴIRI
“Mulomo Ukuyowoya Ivyo Vili Kuzara mu Mtima.”MATEYU 12:34.
MUTU WA ZUŴA LACITATU
“Umuteŵetere [Yehova] na Mtima Wakufikapo”1 MIDAUKO 28:9.
Mu Baibolo lizgu lakuti mtima likusangika mu malo pafupifupi 1000. Mu malo ghanandi likuyowoya za mtima wanadi yayi, kweni wunthu wa mukati. Kasi wunthu wamukati ni vici? Lizgu ili lingang’anamura, ivyo munthu wakughanaghana, umo wakujipulikira, na ivyo wakutemwa.
Cifukwa wuli tikwenera kuvikilira wunthu withu wamukati? Ciuta wakakhuŵilizga Themba Solomoni kulemba kuti, “Vikilira mtima wako kwakuluska vyose; cifukwa mukati mwake muli cisimi ca umoyo.” (Zintharika 4:23) Kuti sono tiŵe na umoyo uwemi ndiposo munthazi, vikuthemba pa umo wunthu withu wa mukati uliri. Cifukwa wuli? Cifukwa Ciuta wakulaŵiska mu mtima. (1 Samuel 16:7) Umo Ciuta wakutiwonera vikuthemba pa umo ‘wunthu withu wakubisika wa mu mtima’ uliri.—1 Petrosi 3:4.
Kasi tingavikilira wuli mtima withu? Fumbo ili lizamuzgoreka pa maungano agho Ŵakaboni ŵa Yehova ŵacitenge pa caru cose capasi kwambira mwezi uno. Mukucemeka kuti muzakaŵepo pa ungano uwu mazuŵa ghose ghatatu.a Ivyo muzamusambira vizamumovwirani kuti mucite vinthu ivyo vingakondweska mtima wa Yehova.—Zintharika 27:11.
[Mazgu ghamusi]
a Kuti mumanye malo agho kucitikirenge ungano uwu ku cigaŵa cinu wonani pa Webusayiti iyi www.jw.org. Mungafumbaso Ŵakaboni ŵa Yehova mu cigaŵa cinu panji lemberani ku ŵeneco ŵa magazini iyi.
[Kulongosora Cithuzithuzi pa peji 32]
Photo on right: Aus dem Fundus der MÜNCHNER OLYMPIAPARK GMBH, München