Vipharazgo

◼ Mabuku ghakugaŵira mu Malici: Baibolo Likusambizgaci? Ŵapharazgi ŵakwenera kuyezgayezga kwambiska masambiro gha Baibolo kwa ŵanthu awo ŵaŵagaŵira buku ili panji awo ŵali nalo kale. Epulero na Meyi: Gongwe la Mulinda na Galamukani! Para mukuwelerako ku ŵakunweka kweniso awo ŵakiza pa Cikumbusko panji pa maungano ghanyake, kweni ŵakuwungana mwakukhazikika yayi na mpingo woneseskani kuti mwaŵagaŵira buku la Baibolo Likusambizgaci? Muŵe na cilato ca kwambiska sambiro la Baibolo. Juni: Baibolo Likusambizgaci?

◼ Para magazini ghaphya gha Gongwe la Mulinda na Galamukani! ghiza waka, ghakwenera kupelekeka ku ŵapharazgi mwakuti ŵaghaŵazge pambere ŵandambe kugaŵira. Para ŵapharazgi ŵapokera magazini ghaphya, nchiwemi comene kuti ŵaleke dankha kugaŵira mpaka mwezi wa kugaŵira magazini agho ukwane.

◼ Cikumbusko cizamucitika pa Ciŵiri, Malici 30, 2010 ndipo sumu izo tizamwimba ni nambara 8 na 5. Sumu izi zafuma mu buku liphya la sumu. Para mpingo winu ukuŵa na maungano pa Ciŵiri, mbwenu musinthire pa zuŵa linyake mu sabata iyo. Usange pa Nyumba ya Ufumu yinu pakuwungana mipingo yinandi ndipo vingacitika yayi kuti musinthire maungano pa zuŵa linyake, mbwenu mungaleka waka kucita maungano. Nkhani za mu Ungano wa Uteŵeti izo mukuwona kuti ni zakukhumbikwa comene ku mpingo winu zingazakadumbika pa Ungano wa Uteŵeti unyake.