Vipharazgo

◼ Epulero na Meyi: Tizamugaŵira magazini gha Gongwe la Mulinda na Galamukani! Para mukuwelerako ku ŵakunweka, kusazgapo awo ŵakiza pa Cikumbusko panji pa maungano ghanyake, kweni ŵakuwungana mwakukhazikika yayi na mpingo, fwiliranipo kuŵagaŵira buku la Baibolo Likusambizgaci? Muŵe na cilato ca kwambiska masambiro gha Baibolo. Juni: Gaŵirani buku la Baibolo Likusambizgaci? panji mabuku ghanyake agho ghakasindikizgika pambere cilimika ca 1995 cindafike.

◼ Kwambira sono kuya munthazi, ndondomeko ya maungano gha cigaŵa yizamuŵaso mu Uteŵeti Withu wa Ufumu yayi. Yizamutumizgika ku mipingo ndipo yizakaŵikike pa bolodi. Ntheura ŵalara ŵakuciskika kuti ŵazakapharazge madeti ndiposo uko mpingo winu uzamucitira ungano. Mutu wa ungano wa Cigaŵa wa cilimika ca 2010-2011 ngwakuti, “Skepelerani kwa Yehova.”

◼ Nkhani yapadera ya mu nyengo ya Cikumbusko ca 2010 yizamuŵa ya mutu wakuti “Kasi Bata na Mtende Weneco Vizamuŵako Pawuli?”