Cindikani Yehova na Mphango Zinu—Cigaŵa 1

¹ Ŵazgani Zintharika 3:9. Mwakuyana na fundo ya pa lemba ili, mipingo yose yikwenera kuŵa na mabokosi ghakuŵikamo vyakupeleka. Ici cikutipa mwaŵi wakuti tovwirepo pa milimo yakupambanapambana ya kusopa kwaunenesko. Kweni cilato ca bokosi lililose nchakuti wuli? Kasi ndalama za mu bokosi lililose zikugwira nchito wuli? Mafumbo agha tambenge kudumbiskana mu nkhani iyi, ndipo tizamulutizga kudumbiskana kunthazi. Cigaŵa ici cikulongosora umo tingagwiliskira nchito bokosi panji kacigaŵa ka bokosi kakulembeka kuti, “Vyakupeleka vya Mulimo wa pa Caru Cose—Mateyu 24:14.”

² Vyakupeleka vya Mulimo wa pa Caru Cose—Mateyu 24:14: Ndalama izo zikuŵikika mu bokosi ili ni zakovwilira pa mulimo wa kupharazga wa pa caru cose. Tikuŵika ndalama mu bokosi ili kuti tilongore kuwonga mabuku ghithu, kweniso kovwira pa mulimo wa kupharazga. Kweniso, ndalama zose izo ŵakunweka ŵakupeleka para tili mu uteŵeti zikwenera kuŵikika mu bokosi ili. Ndalama izi zikwenera kutumizgika ku munthavi panji kuŵikika ku akaunti ya ofesi ya munthavi mwezi uliwose. Ni zakovwilira mpingo yayi nesi dera. Cilato cikuru ca ndalama izi nchakuti zovwire pa mulimo wa kupharazga wa pa caru cose.

[Mafumbo]

1. (a) Kasi nthowa yimoza ya kucindikira Yehova njakuti wuli? (b) Kasi mabokosi ghose ghakugwira nchito yimoza?

2. (a) Kasi nchito ya bokosi lakulembeka kuti, “Vyakupeleka vya Mulimo wa pa Caru Cose—Mateyu 24:14” njakuti wuli? (b) Kasi mwezi uliwose tikwenera kucita nazo vici ndalama izi? (c) Kasi ndalama izi tileke kucita nazo vici?