Vya mu Uteŵeti wa m’Munda

Mu magazini ghithu muli uthenga wakuponoska umoyo. Ntheura nchakukhozga kuwona kuti ŵanandi ŵakugwiliskira nchito makora magazini. Mwaciyelezgero, mu Disembala 2010, tikagaŵira magazini 408,865. Kweniso tikacitiska masambiro gha Baibolo 82,720. Ici cikung’anamura kuti pa avereji, mupharazgi waliyose wakaŵa na sambiro la Baibolo, ndipo ici cikaŵa ciŵelengero cikuru comene mu cilimika ico cajumpha. Tili na cigomezgo kuti ŵanandi ŵa ŵanthu aŵa ŵacitengepo kanthu pa mazgu ghaunenesko agho ŵakupokera. (Uvu. 22:17) Kweniso tili ŵakukondwa kupokera malipoti gha myezi yakumanyuma. Tikugomezga kuti ŵalara ŵalutilirenge kutumizga malipoti gha uteŵeti wa m’munda mwezi uliwose.