Kucindika Yehova na Mphango Zithu

Nchakukondweska kuwona umo mzimu wa Yehova ukuciskira nanga mbanici kovwira pa mulimo wake. Pulikani ivyo wakacita msepuka wa vilimika 9 wa Mpingo wa Chirimba North uyo wakaluta kukawona ofesi yithu ku Lilongwe. Cifukwa ca ivyo wakawona ku ofesi, wakati wawelera ku nyumba, wakatumizga K1,000 kuti yovwire pa mulimo wa pa caru cose. Ŵapapi ŵake ŵakamupa ndalama iyi cifukwa cakuti wakayowoya makora nkhani mu Sukulu ya Uteŵeti wa Ciuta. M’malo mwa kugulira ivyo mweneko watemwa, wakaghanaghana kupeleka ndalama iyi kuti yovwire pa mulimo wa kupharazga. Tose tikusambirapo kanthu!—2 Kor. 9:7.