Vyakukondweska mu Uteŵeti wa m’Munda
Mu Febuluwale cilimika cino, tikacitiska masambiro gha Baibolo ghakukwana 86,680. Ici cikulongora kuti pali ŵanthu ŵanandi awo ŵakucinchima na kulira cifukwa ca viheni ivyo vikucitika mu caru mazuŵa ghano. (Ezek. 9:4) Kweniso tikuwonga mipingo cifukwa ca kutuma malipoti mwaluŵiro myezi yitatu iyo yajumpha. Ndipo tikuciska ŵalara kuti ŵatumenge malipoti ku ofesi ya munthavi pa galimoto ya Sosayite m’malo mwa kuposita.