‘Zina la Ciuta Lituŵiskike’
1. Kasi mutu wa ungano wa dera wa cilimika ca uteŵeti ca 2012 ngwakuti wuli, ndipo wafuma mpha?
1 Ni mwaŵi ukuru comene kumanyikwa na zina la Fumu ya Cilengiwa Cose, Yehova! Ciuta wali kutipa zina lake kuti timanyikwenge nalo. Ndipo kufuma mu 1931, tikumanyikwa na zina lakuti Ŵakaboni ŵa Yehova, ilo ni zina lapadera comene. (Yes. 43:10) Yesu, Mwana wapadera wa Ciuta wakalicindika comene zina ili, mwakuti ndiyo yikaŵa fundo yakwamba kuyizunura pakusambizga ŵanthu kulomba. (Mat. 6:9) Mutu wa ungano wa dera wa cilimika ca uteŵeti ca 2012 wafuma pa mazgu gha Yesu. Ngwakuti: “Zina la Ciuta Lituŵiskike.” Usange mwaghamanya kale madeti gha ungano winu wa dera, kasi mwaghalemba pa kalendara na kwamba kunozgekera kuti muzakaŵepo?
2. Kasi pa ungano wa dera uwo ukwiza pazamuyowoyeka nkhani wuli?
2 Ivyo Tamupulika: Pa Cisulo kwamuyowoyeka nkhani ya mutu wakuti, “Pakuŵa Ŵateŵeti Ŵanyengozose, Manyiskani Ŵanthu Zina la Ciuta.” Yamulongosora vyandulo ivyo ŵateŵeti ŵanyengozose ŵakusanga. Kweniso tamutegherezga nkhani yakulekerana ya mutu wakuti, “Cenjerani Mwakuti Muleke Kutukiska Zina la Yehova.” Nkhani iyi yizamutovwira kuti tileke kukoleka mu vipingo vinayi. Nkhani ya mutu wakuti “Cifukwa Wuli Zina la Ciuta Likwenera Kutuŵiskika?” yizamuzgora mafumbo nga ni agha: Nchivici cingatovwira kupharazga mwamwamphu nanga ŵanthu ŵaleke kunweka viŵi? na lakuti Nchivici citovwirenge kuti uteŵeti withu uŵe wacandulo? Pa Sabata, tamusangwa na nkhani yakulekerana ya vigaŵa vinayi. Nkhani iyi yizamutovwira umo tingatuŵiskira zina la Ciuta pa ivyo tikughanaghana, kuyowoya, kucita kweniso nkharo yithu. Ŵaphya ŵazamusangwa comene na nkhani yacisanisani ya mutu wakuti: “Yehova Wazamutuŵiska Zina Lake pa Haramagedoni.”
3. Kasi tili na mwaŵi wuli wapadera, ndipo ungano uzamutovwira wuli?
3 Sonosono apa, Yehova wacitengepo kanthu kuti watuŵiske zina lake. (Ezek. 36:23) Pa nyengo yasono, tili na mwaŵi ukuru wakukhozgera ico zina la Yehova likwimira. Tili na cigomezgo kuti ungano wa dera uwu wovwirenge waliyose kuti wacitenge vinthu mwakukolerana na zina la Ciuta, ilo tikumanyikwa nalo.