Vipharazgo

◼ Mabuku ghakugaŵira mu Seputembala: Kasi Baibolo Likusambizgaci Comenecomene? Okutobala: Magazini gha Gongwe la Mulinda na Galamukani! Usange mwasanga ŵakunweka ŵagaŵirani thirakiti la Kasi Mungatemwa Kumanya Unenesko? Muzakafwilirepo kwambiska sambiro la Baibolo. Novembala: Kasi mu Baibolo Muli Uthenga Wuli? Disembala: Munthu Mukuru Kuluska Wose Awo Ŵali Kuŵako. Usange mwenenyumba wali na ŵana, gaŵirani buku la Sambirani kwa Msambizgi Waluso panji Buku Lane la Nkhani za mu Baibolo.

◼ Mu 2012, nkhani yapadera iyo yikuŵako pamanyuma pa Cikumbusko yizamuyowoyeka mu sabata ya Epulero 2. Mutu wa nkhani iyi upharazgikenge munthazi. Mipingo yizakaleke kuyowoya nkhani iyi pambere Cikumbusko cindacitike.

◼ Mu mwezi wa Malici 2012, ŵapharazgi ŵazamuwa na mwaŵi wa kucita upayiniya wakanyengo wa maora 30 panji 50. Kweniso para mulaŵiliri wa dera wakucezgera mpingo mu mwezi uwu, wose awo ŵazamucita upayiniya wakanyengo, kwali ngwa maora 30 panji 50, ŵazamuŵapo pa ungano wa ŵapayiniya ŵanyengozose mpaka paumaliro.

◼ Mu Seputembala, ŵalaŵiliri ŵa dera ŵazamwamba kuyowoya nkhani ya mutu wakuti “Koleranani na Ŵanthu Ŵakukondwa ŵa Ciuta.”