Vyakukondweska mu Uteŵeti wa m’Munda

Mu Epulero, uwo ukaŵa mwezi wa Cikumbusko, tikagaŵira mabuku, tumabuku na maburosha 188,129. Kweniso tikagaŵira magazini 492,454. Tikacitiska masambiro gha Baibolo 99,640 ndipo tikamalira maora 1,384,091 mu uteŵeti. Kweniso mu mwezi wenewuwu, ŵabali na ŵadumbu 8,033 ŵakajipeleka kucita upayiniya wakanyengo. Tikumuwongani ŵabali cifukwa ca kufwilirapo mu nyengo ya Cikumbusko. Tikukayika yayi kuti Yehova watitumbikenge apo tikulutilira kupulikira dango la Yesu la kupharazga na kuzgora ŵanthu kuŵa ŵasambiri.—Mat. 28:19, 20.