Vipharazgo

◼ Mabuku ghakugaŵira mu Disembala: Munthu Mukuru Kuluska Wose Awo Ŵali Kuŵako. Usange munthu wali na ŵana, mupani buku la Sambirani kwa Msambizgi Waluso panji  Buku Lane la Nkhani za mu Baibolo. Janyuwale 2012: Kasi Baibolo Likusambizgaci Comenecomene? Fwiliranipo kwambiska sambiro la Baibolo pa ulendo wakwamba. Para munthu wali nalo kale buku ili ndipo wakana kusambira nayo Baibolo, mungamupa magazini ghakale panji burosha lililose ilo wanganweka nalo. Ndipo mu Febuluwale na Malici gaŵirani buku la Kasi Baibolo Likusambizgaci Comenecomene? na Umo Mbumba Yingaŵira Yacimwemwe. Fwiliranipo kwambiska sambiro la Baibolo pa ulendo wakwamba.

◼ Mu cilimika ca 2013, cikumbusko cizamucitika pa Ciŵiri, Malici 26.