Vipharazgo

◼ Mabuku ghakugaŵira mu Febuluwale: Umo Mbumba Yingaŵira Yacimwemwe. Malici na Epulero: Kasi Baibolo Likusambizgaci Comenecomene? Fwiliranipo kwambiska sambiro la Baibolo pa ulendo wakwamba. Meyi: Gongwe la Mulinda na Galamukani! Apo mphakwenelera pelekani thirakiti la Kasi Mungatemwa Kumanya Unenesko?

◼ Mutu wa nkhani yapadera iyo yizamuyowoyeka pamanyuma pa cikumbusko ngwakuti: “Kasi Uli Pafupi Comene Kuluska Umo Mukughanaghanira?”

◼ Usange mukunozgekera kuluta ku caru ico cindalembeke mu lipoti liphya la uteŵeti mu Uteŵeti Withu wa Ufumu, fumbani dankha ku ofesi ya munthavi ya mu caru cinu ivyo mukwenera kuŵa navyo maso panji ulongozgi wapadera uwo mungakhumbikwira. Vingacitika kuti uko mukuya Ŵakaboni ŵa Yehova mbakukanizgika kucita vinthu vinyake vyakukhwaskana na mulimo wa Ufumu. (Mat. 10:16) Mu vyaru vinyake cingaŵa ciwemi yayi kuti ŵalendo ŵakumanenge na Ŵakaboni ŵa Yehova panji mpingo. Kweniso ŵangamupani ulongozgi wakukhwaskana na kupharazga mwamwaŵi panji kuyegha mabuku. Para mulondezgenge ulongozgi uwo mungapika, ciwovwirenge kuti muleke kujiziyamo panji kutimbanizga mulimo wa Ufumu.−1 Kor. 14:33, 40.