Vipharazgo

◼ Mabuku ghakugaŵira mu Seputembala na Okutobala: Gongwe la Mulinda na Galamukani! Para mukuwelerako, gaŵirani buku la Baibolo Likusambizgaci, panji kuyana na umo munthu waliri, mungamugaŵira burosha la Tegherezgani kwa Ciuta panji la Tegherezgani kwa Ciuta na kuŵa Wamoyo Kwamuyirayira. Fwiliranipo kwambiska masambiro gha Baibolo. Novembala na Disembala: Ŵapharazgi ŵangagaŵira mathirakiti agha: Masuzgo Ghose Ghamarenge Sonosono!, Yehova—Kasi Iye ndi Njani?, Yesu Kristu—Kasi Iye Ndi Njani?, panji Kasi Mungatemwa Kumanya Unenesko? Para wanweka, mulongorani umo tikusambilira Baibolo na munthu mu buku la Baibolo Likusambizgaci, panji maburosha gha Tegherezgani kwa Ciuta na Tegherezgani kwa Ciuta na kuŵa Wamoyo Kwamuyirayira.

◼ Mu 2013, nkhani yapadera iyo yikuŵako para Cikumbusko cajumpha, yizamuyowoyeka mu sabata yakwambira pa Epulero 1. Mutu wa nkhani iyi ŵatimanyiskenge munthazi. Mipingo iyo yizamuŵa na mulaŵiliri wa dera panji ungano wa dera mu sabata iyi, yizamuŵa na nkhani iyi mu sabata yakulondezgapo. Kuyowoya nkhani iyi pambere deti la Epulero 1 lindafike yayi.

◼ Usange pali nkhani yakukhumbikwa kumanyiska ofesi ya munthavi mwaluŵiro, mungatuma uthenga pa imelu adiresi iyi: service@mw.jw.org.