Vipharazgo

◼ Mabuku ghakugaŵira mu: Janyuwale na Febuluwale: Ŵapharazgi ŵangagaŵira maburosha agha: Kasi Ciuta Wakutipwelelera Nadi?, Para Uyo Mukumutemwa Wapotera, panji Mungaŵa Bwezi la Ciuta! Para mukuwelerako, gaŵirani buku la Baibolo Likusambizgaci, panji maburosha gha Tegherezgani kwa Ciuta na Tegherezgani kwa Ciuta na kuŵa Wamoyo Kwamuyirayira, na kwambiska sambiro la Baibolo. Malici na Epulero: Magazini gha Gongwe la Mulinda na Galamukani. Panji Kuyana na umo munthu waliri, mungamugaŵira burosha la Tegherezgani kwa Ciuta panji Tegherezgani kwa Ciuta na kuŵa Wamoyo Kwamuyirayira. Para mukuwelerako, gaŵirani buku la Baibolo Likusambizgaci na kwambiska sambiro la Baibolo.

◼ Nkhani yaciŵiri yacisanisani ya ŵalaŵiliri ŵa dera mu cilimika ca uteŵeti ca 2013 yizamuŵa ya mutu wakuti “Makani Ghawemi . . . ku Mtundu Uliwose na Fuko na Lulimi.”