Kasi Mukuwonapo pa Bolodi Nyengo Zose?

Ŵalara, ŵateŵeti ŵakovwira, na ŵanji awo ŵakuyowoya nkhani mu mpingo ŵakuwona pa bolodi kuti ŵamanye usange ŵali na nkhani. Kweni tose mu mpingo tingasanga cimanyisko cakukhumbikwa pa bolodi. Kasi mukumanya dazi ilo gulu linu lizamutozga Nyumba ya Ufumu? Kasi mulaŵiliri wa dera panji ofesi ya munthavi yalembera kalata mpingo winu? Kasi mukumanya mutu wa nkhani yacisanisani iyo yizamuyowoyeka kuti mukaceme awo mukusambira nawo Baibolo? Kasi ndondomeko ya maungano panji vinthu vinyake mu gulu linu la uteŵeti vyasintha? Vinthu ivi vikupharazgika yayi pa maungano mazuŵa ghano, ndipo ŵalara ŵangakwaniska yayi kumanyiska mupharazgi waliyose payekha. Mwantheura, tikwenera kuwonapo pa bolodi nyengo na nyengo. Usange ndimo ticitirenge, vinthu vyose vicitikenge “mwakwenelera ndiposo mu ndondomeko.”—1 Kor. 14:40.