Vipharazgo!

◼ Mabuku ghakugaŵira mu Juni: Ŵapharazgi ŵangagaŵira mathirakiti agha: Sangwani na Umoyo wa Mbumba, Kasi ni Njani Comene-Comene Uyo Wakuwusa Caru? na Kasi Mungatemwa Kumanya Unenesko? Para munthu wanweka, mulongorani umo tikusambilira Baibolo na buku la Baibolo Likusambizgaci panji na burosha la Tegherezgani kwa Ciuta panji Tegherezgani Kwa Ciuta na Kuŵa Ŵamoyo Kwamuyirayira. Julayi na Ogasiti: Ciuta Wakutiphalira Uthenga Uwemi! panji maburosha agha: Kasi Ciuta Wakutipwelelera Nadi?, Para Uyo Mukumutemwa Wapotera panji Mungaŵa Bwezi la Ciuta! Seputembala: Gongwe la Mulinda na Galamukani!

◼ Mu Uteŵeti Withu wa Ufumu, mulutilirenge kuŵa ndondomeko ya maungano gha sabata na sabata. Kweni mu sabata iyo muli na ungano wa cigaŵa, mungaŵanga na maungano gha mpingo yayi. Ici covwirenge ŵabali na ŵadumbu kuti ŵanozgekere makora ungano. Mbumba zikuciskika kuti zizakadumbiskane ivyo vili pa ndondomeko ya sabata iyo kuli ungano pakusopa kwa mbumba.

◼ Malo ghose ghakucitirapo maungano gha cigaŵa ghakwenera kuŵa ghakutowa kweniso kuti vinthu vicitikenge mu ndondomeko. Mwantheura, nchiwemi yayi kuti paŵenge ŵamalonda. Ŵalinda ŵakwenera kuphalira luŵiro ŵamalonda mwanchindi kuti ŵafumepo pa malo gha ungano. Usange ŵakukhumba kucita malonda ŵakakhale kutali na malo gha ungano.