Kuweleramo mu Sukulu ya Uteŵeti wa Ciuta

Mafumbo agha ghazamuzgoleka mwakudumbiskana mu Sukulu ya Uteŵeti wa Ciuta mu sabata yakwambira pa August 26, 2013. Deti ilo fundo yiliyose yizamuyowoyekera pa mpingo lalembeka paumaliro wa fumbo mwakuti tipenjerezgenge fundo izi pakunozgekera sukulu sabata yiliyose.

1. Kasi tikusambirako vici kwa Herode apo wakazomera ucindami kufuma ku ŵanthu? (Mil. 12:21-23) [Jul. 1, w08 5/15 peji 32 ndime 7]

2. Kasi Ŵakhristu awo mbawukirano ŵangasanga candulo wuli usange ŵangalondezga ivyo Timote wakacita? (Mil. 16:1, 2) [Jul. 8, w08 5/15 peji 32 ndime 10]

3. Kasi Akwila na Prisila ŵakamovwira wuli Apolo, ŵati ŵamupulika ‘wakuyowoya mwacikanga’ mu sunagoge ku Efeso? (Mil. 18:24-26) [Jul. 15, w10 6/15 peji 11 ndime 4]

4. Kasi ni mpha mu Baibolo apo pakulongora kuti mbuheni yayi Ŵakaboni ŵa Yehova kuluta ku khoti kuti ŵavikilire wanangwa wawo wakupharazga? (Mil. 25:10-12) [Jul. 22, bt peji 198 ndime 6]

5. Kasi Paulosi wakacita wuli kuti walutilire kupenja nthowa zakupharazgira nanga ni apo wakaŵa mu jele, ndipo Ŵakaboni ŵa Yehova ŵakumuyezga wuli mazuŵa ghano? (Mil. 28:17, 23, 30, 31) [Jul. 29, bt peji 215-217 ndime 19-23]

6. Cifukwa wuli Baibolo likuti kugonana ŵanalume panji ŵanakazi pera nchinthu cakawiro yayi kweniso camuziro? (Rom. 1:26, 27) [Og. 5, g-CN 1/12 peji 28 ndime 7]

7. Kasi ‘ciwombolero [ico] cikapelekeka na Khristu Yesu’ mu 33 C.E. cingabenekelera wuli “zakwananga izo zikacitika kale” pambere sembe iyi yindapelekeke? (Rom. 3:24, 25) [Og. 5, w08 6/15 peji 29 ndime 6]

8. Kasi Yehova watipa wovwiri wuli usange vinthu vyatisuzga comene mwakuti tikusoŵa na cakuti tiyowoye mu lurombo? (Rom. 8:26, 27) [Og. 12, w08 6/15 peji 30 ndime 10]

9. Kasi ulongozgi wakuti “muŵe na kaluso kakupokelera ŵalendo” ukung’anamuraci? (Rom. 12:13) [Og. 19, w09 10/15 peji 5 mpaka 6 ndime 12-13]

10. Kuyana na ivyo Paulosi wakayowoya, kasi ‘tikuvwara [wuli] Fumu Yesu Khristu’? (Rom. 13:14) [Og. 26, w05 1/1 peji 23 ndime 20-22]