Vya mu Uteŵeti wa mu Munda

Apo Nyumba ya Ufumu ya mpingo wa Mayani Hill yikaŵa mukati kuzengeka ku Dedza, Fumu ya muzi uwu yikawonga comene Gulu lithu. Yikati Nyumba ya Ufumu iyi njakukhora, njakutowa kweniso ŵabali na ŵadumbu ŵakagwiranga nchito mwakukolerana. Uwu ukaŵa ukaboni ku ŵanthu wose mu muzi uwu. Pasono, Nyumba za Ufumu zakujumpha 1,073, zili kuzengeka muno mu Malaŵi. Kasi ise tili na mulimo wuli? Tikwenera kupwelelera malo ghakusoperapo agho Yehova wali kutipa kwizira mu gulu lake.—1 Mid. 29:1-5, 8, 9.