Vya mu Uteŵeti wa mu Munda

Mu Meyi caka cino, mudumbu munyake uyo wakuteŵetera pa Beteli wakaluta kumpoto kwa caru ca Malaŵi kuti wakawone amama ŵake. Paulendo uwu wakayegha magazini 60, ndipo wakagaŵira magazini ghaŵiri gha Galamukani! kwa Rasi uyo wakakhala nayo pafupi mu Basi. Wakalomba kuti Yehova wamovwire kugaŵira magazini ghose agho wakaŵa nagho. Uku ulendo uli mukati, tayala likaphulika ndipo ŵanthu wose ŵakakhira. Pakuti ŵakaŵavya tayala lapadera, ŵakalindilira linyake kufuma ku Lilongwe. Pakajumpha maora ghatatu kuti ŵize nalo. Pa nyengo iyi, mudumbu wakamba kupharazgira ŵanthu awo wakakwera nawo Basi. Wakazgora mafumbo agho ŵakamufumbanga. Ŵanandi ŵakatoleka mtima cifukwa cakuti wakaŵa na Baibolo. Kweniso wakapharazgira munthu wa ku Australia uyo wakaŵa kuti wandakumanepo na Ŵakaboni ŵa Yehova. Pakuluta na pakuwera wakagaŵira magazini 50 na maburosha ghaŵiri. Kasi tikusambirapo vici? Tikwenera kuŵa ŵakunozgeka nyengo zose kujivikilira panthazi pa waliyose uyo wakukhumba kumanya cifukwa ca cigomezgo ico cili mwa ise.—1 Pet. 3:15.